Исроил ва АҚШ Эрон ядровий дастури бўйича келишув имзоланиши муносабати билан тўхтатиб қўйилган ҳарбий ёрдам ҳақидаги музокараларни қайтадан бошлайди. Reuters агентлигининг эслатишича, Исроил бош вазири Биньямин Нетаньяху келишувга эътироз тарзида музокараларни тўхтатиб қўйган эди.
Исроилнинг Вашингтондаги элчиси ўзаро тушуниш тўғрисидаги меморандум юзасидан музокаралар ўтган ҳафтадан бошланганини таъкидлаб ўтди.
Унга кўра, Исроилга кўрсатилаётган ёрдам дастури яна 10 йилга узайтирилади. 2017 йилгача мўлжалланган амалдаги шартнома АҚШ томонидан ҳарбий мақсадларда 3 млрд долларлик ёрдам кўрсатилишини назарда тутади.