Қозоғистонда ислом молияси принципларига асосланувчи маҳаллий тўлов тизимини яратиш режалаштирилмоқда. Бу ҳақда миллий банк раҳбари Қайрат Келимбетов Олма-Отада бўлиб ўтган UnionPay Шарқий Европа ва Марказий Осиё мамлакатлари ўртасидаги минтақавий ҳамкорлик бўйича конференция чоғида маълумот берди.
Молия соҳаси ташқи таъсирлар таҳдиди остида қолмаслиги учун миллий регулятор ахборот ва киберхавфсизлик борасидаги ишларни жадаллаштирмоқда, деб таъкидлади Келимбетов. Шу тадбирлар доирасида таклиф қилинган “ягона универсал ҳисоб” лойиҳаси ҳукумат томонидан маъқулланди.
Айтилишича, ушбу лойиҳада “Казпочта” идораси билан ҳамкорлик қилинади.