15 октябрда Даниянинг Оденс шаҳридаги ҳайвонот боғида ўлган шернинг жасади омма кўз ўнгида ёрилганди. Ҳайвонот боғининг директори Нина Кристенсен ўз интервьюсида бундай “таълим шоу”ларини мактаб таътиллари учун анъанавий тадбир деб айтди. Унинг айтишича, ҳайвонот боғида ўлган ҳайвонлар жасадларини музлатгичлардан олиб, болалар кўз ўнгида уларга ишлов бериш мунтазам амалга оширилади ва бу ҳамиша хорижлик ҳайвонлар ҳимоячиларининг норозилигини келтириб чиқаради.

“Биласизми бу танқид фақатгина хорижликлардан билдирилади. Улар жуда дарғазаб ҳолда биз ҳақимизда турли беъмани гапларни гапиришади. Буларнинг барчаси давлатлар ўртасидаги маданий фарқланиш сабаблидир. Данияда ҳайвонларнинг ички томонига қараш меъёр ҳисобланади. Европа Иттифоқининг бошқа давлатларида бундай эмас”, деб айтмоқда Кристенсен.

Кристенсеннинг айтишича, соғлом ҳайвонларни ухлатиш орқали ҳаётини тугатиш уларнинг жасадини омма олдида ёриш каби оддий ҳолдир. Унинг айтишича, баъзан улар кўплигидан уларни жойлаштиришга жой топилмай қолади.

“Ҳайвонот боғларида ҳаддан зиёд кўп ҳайвонлар сақланади ва уларни баъзан қаергадир жойлаштириш керак. Ва яхшиси улардан таълим мақсадларида фойдаланган маъқулроқ. Бизда дунёнинг барча ҳайвонот боғлари бўйича маълумотлар базаси бор. Ва агар кимдир “бизда шер ўлди ва биз сизникини олишга тайёрмиз” демаса, биз ҳайвоннинг ҳаётини тугатиб, унинг жасадини таълим мақсадларида қўллаймиз”, деб айтмоқда Кристенсен.

Эслатиб ўтамиз, 15 октябрда Оденс ҳайвонот боғида омма олдида шернинг жасади ёрилиб, препаратланди. Шер бир неча ой аввал ҳайвонот боғида шерлар кўпайиб кетгани туфайли ухлатиш орқали ўлдирилган ва жасади музлатиб қўйилган. Ва эҳтимол, Оденс шаҳри ҳайвонот боғидаги бундай ҳолат охиргиси бўлмайди, чунки ҳайвонот боғидаги музлатгич камераларида яна иккита шер жасади сақланмоқда.