Афғонистон шимолидаги портлаш натижасида беш нафар киши ҳалок бўлди, 25 киши жароҳатланди. Портловчи модда Андхой шағридаги рекшилардан бирига ўрнатилган ва масофадан бошқарилган. Маҳаллий ҳукумат ушбу терактга жавобгарликни “Толибон” террорчилик ташкилоти бўйнига қўйган. Бу ҳақда РИА Новости Синьхуа агентлиги маълумотига асосланиб хабар бермоқда.

Теракт душанба, 19 октябрь куни Афғонистоннинг Фарёб вилоти, Андхой туманида юз берди. Бу ҳақда агентликка округ раҳбари Султон Санжар маълум қилган.

"Террорчилар Андхой шаҳридаги рекшалардан бирида портловчи модда ўрнатишган ва уни бозор ичида портлатиб юборишган. Натижада беш киши ҳалок бўлиб, 25 киши тан жароҳати олган”, , — деди Санжар.