Россияга Украинанинг жануби-шарқидан шошилинч тарзда келганлардан бошқа барча украин фуқаролари 30 нобяргача Россия Федерал миграция хизмати бўлимларига мурожаат қилиб, Россиядаги мақомларини тасдиқлашлари керак бўлади, деб айтилмоқда Россия Федерал миграция хизмати (ФМХ) матбуот хизматида.

Федерал миграция хизматида гуманитар нуқтаи назардан Украинанинг барча тоифадаги фуқароларига Россияда вақтинчалик қолиш муддати бир неча бор узайтириб берилганди. Охирги узайтириш муддати 31 октябрда тугайди.

Россияга шошилинч келган украиналиклар учун Россия ҳудудида қолиш тартиби аввалгидек қолади.

Россия ФМХ раҳбари ўринбосари Вадим Яковенко хизматнинг барча ҳудудий бўлимларига украиналик фуқароларга максимал кўмак кўрсатиш ва эътибор бериш вазифаси топширилди.

Хизматда таъкидланишича, айни пайтда Россияда 2,6 млнга яқин украиналик фуқаро бор бўлиб, улардан 1 млндан кўпроғи мамлакатнинг жанговор ҳаракатлар олиб борилаётган жануби-шарқидан келган.

2014 йилда Россия Федерал миграция хизматига 404 минг нафар киши вақтинчалик бошпана ёки қочқин мақомини бериш, 265 минг киши эса вақтинчалик яшашга рухсат бериш илтимоси билан мурожаат қилган.