Эрон ҳукумати 2017 йил бошида ҳаво ҳужумига қарши мудофаа тизимини ёйишни режалаштирмоқда, деб хабар бермоқда “Интерфакс” ахборот агентлиги.

Эрон генерали Фарзод Исмоилийнинг айтишича, ҳаво ҳужумига қарши мудофаа тизими Россиянинг С-300 зенит-ракета мажмуаси аналоги ҳисобланадиган Bavar 373 мажмуалари негизида яратилади.

Тизимдан 2017 йилнинг мартидан фойдаланила бошланади.

Аввалроқ Эрон Россия, Хитой ва Ҳиндистонни НАТОнинг ҳаво ҳужумига қарши мудофаа борасидаги режаларига қарши туришга чақирганди. Бу ҳақда Эрон мудофаа вазири Аҳмад Воҳидий Москвага ташрифи пайтида айтиб ўтган.