Давлат солиқ қўмитасида Қорақалпоғистон Республикаси, вилоятлар ва Тошкент шаҳар давлат солиқ хизмати органлари раҳбарлари иштирокида Ҳайъатнинг кенгайтирилган йиғилиши ўтказилди.

Йиғилишда давлат солиқ хизмати органлари томонидан жорий йилнинг III чорагида амалга оширилган ишлар Навоий, Наманган, Жиззах ва Тошкент вилоятлари мисолида танқидий муҳокама қилинди, деб хабар беради қўмитанинг ахборот хизмати.

Муҳокамалар сўнггида фаолиятида жиддий камчиликларга йўл қўйганлиги учун марказий аппарат таркибий тузилмалари ва ҳудудий давлат солиқ хизмати органлари раҳбарларидан 2 нафари эгаллаб турган лавозимидан озод этилди ва 39 нафарига нисбатан тегишли интизомий жазо чоралари белгиланди.