Аввалроқ Франция ҳарбий-ҳаво кучлари самолёти Россия парламенти делегацияси кетаётган лайнерга хавфли масофага яқинлашгани маълум қилинганди. Шу муносабат билан Россия Франциянинг Москвадаги элчиси Жан-Морис Риперни шу воқеа бўйича тушунтириш бериши учун чақиртирган эди.

Парижнинг маълум қилишича, Россия самолётига яқинлашган самолёт Швейцарияга тегишли бўлиб, воқеа эса Францияга тегишли бўлмаган ҳудудда содир бўлган. Бу ҳақда француз ҳарбийларининг матбуот котиби айтиб ўтди, деб хабар бермоқда Reuters ахборот агентлиги.