Яқин Шарқ мамлакатларидан Европага йўл олган қочқинлар орасида потенциал худкуш-террористлар ҳам бор, дея маълум қилди Россия президенти маъмурияти раҳбари Сергей Иванов ТАСС агентлигига.

“Бу ҳақда гап-сўзлар тарқатмасликка ҳаракат қилишмоқда, очиқ сўзлашга йўл қўйилмаяпти, лекин мен айта оламан... Ҳозирда Яқин Шарқдан қочқинлар оқими Жанубий Европа орқали Ғарбга ўтиб олишга интилмоқда. Сиз нима деб ўйлайсиз, улар орасида Кўҳна қитъага йўл олиб, қаергадир сездирмасдан жойлашиб, яширинадиган ва кутадиган слипперлар (махсус хизматларнинг махфий қуроллари), “уйқудаги” агентлар ва террористлар йўқми?”, - деди у.

Иванов сўзларига кўра, бу одамлар худкуш-террорист сифатида ҳаракатини бошлаш учун керакли вақт келгунига қадар кутади.