BMW компаниясининг Жанубий Африкадаги бўлинмаси машиналар учун талаб этиладиган қувватнинг бир қисмини сигирлар гўнгини қайта олишдан олинадиган энергиядан олишни бошлайди. Бу ҳақда Bloomberg хабар қилди.

Немис автоишлаб чиқарувчиси маҳаллий Bio2Watt компанияси билан 10 йиллик шартнома тузди. Унга кўра, заводдан 80 километр узоқликда жойлашган биогаз фабрикасидан 4,4 мегаватт электр энергияси сотиб олинади. Натижада Bio2Watt BMW компанияси сарфлайдиган энергиянинг 25-30 фоизини қоплайди.

Претория шимоли-ғарбидаги пасттекисликларида 30 минг бош йирик шохли чорва моллари боқилади. Фабрикада кунига 160 тонна чорва гўнги қайта ишланади. Электр энергияси эса чорва гўнги ва бошқа органик чиқиндилар қайта ишланиши натижасида олинади.

Жанубий Африкадаги BMW 1973 йилда ишга туширилган бўлиб, у Германия автоишлаб чиқарувчисининг хориждаги илк заводи ҳисобланади. Айни пайтда бу ерда ҳар йили 60 минг дона 3-Series седанлари ишлаб чиқарилади.