Лиссабон — Дублин рейси йўловчиси унга ёрдам беришга ҳаракат қилган ҳамроҳини тишлаб олди, дея хабар берди Ирландиянинг Irish Independent нашри.

Бўлиб ўтган ҳодиса натижасида Ирландиянинг йирик Aer Lingus авиаташувчиси самолётининг капитани Корк халқаро аэропортига фавқулодда қўнишни амалга оширишга рухсат сўради, 24 ёшли португалиялик йўловчи эса жазавадан сўнг хушини йўқотди.

Маҳаллий вақт билан 17:40 (Тошкент вақти билан 21:40)да самолёт қўнди, етиб келган шифокорлар эса ёш йўловчининг ўлимини қайд этишди.

У тишлаб олган йўловчи шифохонага ётқизилиб, зарур барча тиббий ёрдам кўрсатилди.

Корк халқаро аэропортида барча 168 нафар йўловчи ва 6 нафар экипаж аъзоси ҳодиса юзасидан полиция ходимларига сўроқ берди. Тергов ишлари олиб борилмоқда.