Украина агар Минск келишувлари бажарилмаса, Донбассга БМТ тинчликпарвар кучларини киритиш масаласига қайтиши мумкин, деб айтди Украина президенти Пётр Порошенко. Бу ҳақда РИА “Новости” хабар бермоқда.   

“Вазиятни барқарорлаштириш учун, айниқса Минск келишувларининг бандлари келишилган жадвал бўйича амалга оширилмаса, биз Украинага БМТ тинчликпарвар кучлари бўлимларининг киритилиши зарурлиги масаласига қайтишимиз мумкин”, деб айтди Порошенко Украина телеканалларига берган интервьюсида. 

Аввалроқ Украина ташқи ишлар вазири Павел Климкин Киев Донбассда халқаро тинчликпарвар кучларининг жойлаштирилишини сўрашини айтган эди.