Porsche компанияси янги кроссовер устида иш олиб бормоқда. Бу ҳақда Auto Bild хабар бермоқда.
Янги модель икки, кейинчалик эса тўрт эшикли этиб тайёрланиши кўзда тутилмоқда. Нашрнинг маълум қилишича, биринчи вариант Cayman купесига ўхшаб кетади.
Бўлажак моделнинг айтарли ҳеч қандай янгилиги йўқ. Маълум қилинишича, унинг дебюти 2020 йилга мўлжалланган.

Айни вақтда Macan Porsche компаниясининг энг кичик кроссовери ҳисобланади. Модель 2013 йилнинг ноябрь ойида намойиш этилган эди.

Porsche компанияси айни дамда янги авлод вакили бўлмиш Panamera хэтчбекини тақдим этиш арафасида турибди. Моделнинг премьераси 2016 йилнинг мартида Женева автосалонида бўлиб ўтади.