Ўз рейсига кечиккан Британия фуқароси ҳисобланган аёл Истанбул аэропорти ҳожатхонасида оёқ кийимлари ипига осилиб, ўз жонига қасд қилди.
Қайд этилишича, Истанбулга Лондондан 17 октябрь куни кечқурун етиб келган Cаттон Ироқнинг Элбил шаҳрига учма-уч парвоз қиладиган навбатдаги рейсга улгуриши керак эди. Бироқ у рейсга улгурмаган, дея хабар берди Hurriyet нашри.
Аэропорт ходимига янги чипта сотиб олишга пули йўқлигини айтган Саттон ҳожатхонага кирган ва оёқ кийимларининг ипига ўзини осган. Унинг жасадини россиялик йўловчилар кўриб қолишган. Бу ерга етиб келган полиция ва тиббиёт ходимлари унинг ўлимини қайд этишган.