Ёшларнинг ИШИД сафларига ёлланиш муаммосига қарши кураш доирасида Россиядаги олий ўқув юртларида талабаларга нафақа тарқатиш жорий қилинади. Бу ҳақда Жамоат дипломатиясини ривожлантириш ва хориждаги ватандошларни қўллаб-қувватлаш бўйича Россия жамоат палатаси раҳбари Елена Сутормина "Риа Новости" нашрига маълум қилган.

У бу масалага жиддий қараш кераклиги ва унга қарши курашда фаол бўлиш зарурлигини қайд этган.

"Лойиҳа ишлаб чиқилган. Айни вақтда бу лойиҳа махсус хизматлар томонидан текширилмоқда. Октябрь ойи охирида ёки ноябрь ойи бошида матбуот анжумани ўтказилади ва барчаси аниқ айтилади. Йил охиригача, ОЎЮлари бўйлаб талабаларга махсус нафақалар тарқатилиши бошланади", дейди у.

Бироз олдинроқ, Суриядаги ИШИД жангарилари сафига Россиядаги ёшларни ёлламоқчи бўлгани учун Тожикистон фуқроси 16 йилга озодликдан маҳрум этилганди.