Корея республикаси ва КХДР 1950-1953 йиллардаги урушдан сўнг ажралиб кетган оилаларнинг навбатдаги раунд учрашувларини ўтказишга тайёр. Бу ҳақда 19 октябрь куни Халқаро қизил хоч қўмитаси вакили маълум қилди.

“Сокчхо шаҳри ҳудудига 395 киши йиғилган бўлиб, улар 20 октябрь куни Шимолий Кореяга у ерда яшаётган қариндошлари билан учрашиш учун юборилади”, - дея қайд этди у. Унинг сўзларига кўра, учрашувлар икки босқичда ташкил этилиб, ажрашиб кетган оилалар аъзолари кунига икки соатдан жами олти соат давомида суҳбат қуришлари мумкин.

Сўнгги марта 2014 йилда ушбу оилалар учрашуви ташкил этилган эди. Шимол ва жануб корейс давлатларида яшаётган қариндошлар бир-бириникига меҳмонга бориш, хат орқали хабарлашиш, қўнғироқлашиш ёки интернет орқали мулоқот қуриш имкониятига эга эмас.

Айни пайтда 68 минг нафардан зиёд жанубий кореяликларнинг КХДРда қариндошлари қолиб кетган. Уларнинг аксарияти қариндошларини 1953 йили 38- параллел шимолида қолган яқинларини бирор марта ҳам кўрмаган. 2014 йилги учрашув иштирокчилари эса тасодифий лоторея ўйини орқали танланган.