Охирги бир неча кун ичида дунёнинг уч йирик рейтинг агентлиги Суриядаги ҳарбий операция муносабати билан Россия давлат бюджетидан қон қочаётганини маълум қилди. Буни The Telegraph нашри эслатиб ўтди.

Standard & Poor's агентлигининг муносабатига кўра, Россиянинг бюджет камомади ЯИМнинг 4.4 фоизини ташкил қилади, ҳукумат эса банк тизимини қутқаришга 40 млрд доллар сарфлашга мажбур бўлади. Ривожланган давлатлар учун бу рақамлар жиддий қийинчилик туғдирмаслиги мумкин, лекин айни кунларда Россия Ғарб давлатлари билан қаршилашиб қолиб, иқтисодиётида улкан муаммоларга дуч келмоқда.

Стокгольм тинчлик тадқиқотлари халқаро институти 2015 йилда Россиянинг мудофаа харажатлари 15 фоизни ташкил қилганлигини ҳисоблаб чиқди. Ўтган йили бу кўрсаткич 8.1 фоизга тенг эди. Экспертларнинг таъкидлашича, Владимир Путин фақат нефть ва газ экспортига ишониб қолмаслик лозимлигини секин-аста тушунмоқда.

Яқин беш йил ичида Кремль кўп соҳалардаги импортни чекламоқчи.
Шу билан бирга, сўровномалар Путиннинг рейтинги илгаригидай юқори эканлигини кўрсатмоқда. Аммо инқироз, мақола муаллифининг фикрича, энди бошланди, шу боис Россия президенти ҳарбий тўплар ва ёғ-мой ўртасида танлов қилиш зўрида қолади.