Москванинг Красногорск туманида 4 кишини ўлдиришда гумон қилинаётган тижоратчи Амиран Георгадзега айблов ўқилди. Бу ҳақда Россия тергов қўмитаси сайтида хабар берилди.

Жиноий иш жиноят кодексининг 105-моддаси 2-а банди қўзғатилди. Георгадзе қидирувга берилди.
19 октябрь куни Георгадзе Красногорск тумани ҳокимининг биринчи ўринбосари Юрий Карауловни ва “Красногорск электрик тармоғи” раҳбари Георгий Котляренкони отиб ташлади.

Қотиллик Карауловнинг кабинетида содир этилди. Шундан сўнг бизнесмен ва унинг кабинетга қурол солинган сумкани олиб кирган ҳайдовчиси воқеа жойидан яширинишган. Йўлда Георгадзе йўлида учраган маҳаллий аҳоли вакилини отиб ташлаган. Кейинроқ унинг шаҳар четидаги уйида бизнес ҳамкори Трестан Закаидзенинг жасади топилди.