Ер сайёрасида ҳаёт илгари тахмин қилинганидан 300 млн йилга олдинроқ пайдо бўлгани эҳтимолдан ҳоли эмас. Бундай хулоса Лос-Анжелесдаги Калифорния университети профессори Марк Харрисон бошчилигидаги тадқиқот гуруҳи томонидан NBC телеканали эфирида айтиб ўтилди.

“Энг янги тадқиқотлар шуни кўрсатмоқдаки, тирик организмлар сайёрамизда 4.1 млрд йил аввал бор эди, - дейилда каналда. – Бу биологик организмлар туғилишининг илгариги датировкасидан 300 млн йилга қадимийроқдир”.

Кутилмаган кашфиёт олимлар томонидан Ғарбий Австралияда топилган энг қадимий циркон кристалларини ўрганиш жараёнида амалга оширилди. Аниқланган углерод зоналари, Харрисоннинг таъкидлашича, бир пайтлар мавжуд бўлган биологик организмлар ҳаётий фаолиятининг натижаларидир.

Биологик организмларнинг шу пайтгача энг қадимий деб ҳисобланган излари Грендландиянинг жануби-ғарбида топилган эди.