АҚШнинг Огайо штати ҳукумати ўлимга олиб келувчи инъекция етказиб берилишидаги муаммолар сабабли ўлим жазосига маҳкум қилинган жиноятчиларни қатл қилинишини 2017 йилгача қолдирди, деб хабар бермоқда Ассошиэйтед Пресс ахборот агентлиги.

Агентлик маълумотларига кўра, қатл этилиши керак бўлган 12 нафар маҳбуснинг қатл қилиниши 2017 йилгача, яна 20 дан кўпроқ маҳбуснинг қатл ижроси 2019 йилгача қолдирилди.

Штат ихтиёрида ўлимга олиб келувчи инъекция захираси тугагандан кейин, ҳукумат уни жумладан хориждан тўлдиришга ҳаракат қилган, бироқ бунинг уддасидан чиқа олмаган.

Айни пайтда АҚШнинг 50 штатидан 31 тасида ўлим жазосини қўллашга рухсат берилган, бироқ унинг қўлланиши оғир оқибатларга олиб келиши мумкин бўлган вазиятларда АҚШ Конституциясига 8-тузатиш билан чекланган.