Бугун, 20 октябрь куни Цюрих шаҳрида ФИФА ижроқўми ўзининг навбатдан ташқари мажлисида президент сайлови кунини ўзгартирмаслик бўйича қарор қабул қилди. Бу ҳақда ташкилотнинг расмий сайтида маълум қилинган.

Овоз бериш жараёни аввалдан белгиланганидак, 2016 йилнинг 26 февраль кунида бўлиб ўтади.

Бундан ташқари, маълум муддат футболдан четлатилган амалдорларнинг номзодлари кўриб чиқилмайди.

Энди бундан кейин ФИФА раҳбарининг ёши 74 дан ошмаслиги керак бўлади ва у узоғи билан 12 йил раҳбарлик қила олади.

Маълумот учун, номзодларнинг аризаси шу йилнинг 26 октябридан бошлаб кўриб чиқилади.

ФИФА президенти Йозеф Блаттер ва УЕФА раҳбари Мишель Платини 90 кунга футболдан четлаштирилгач, сайловларнинг ўтказилиш муддати ортга сурилиши мумкинлиги ҳақида хабарлар пайдо бўлганди.