Ижтимоий фикр: деярли 90 фоиз аҳоли Ўзбекистон фуқароси эканидан фахрланади

Ўзбекистон 20 Октябрь 2015 2526

“Ижтимоий фикр” жамоатчилик фикрини ўрганиш маркази мамлакатимизда миллатлараро муносабатлар ва унинг ривожланиш тенденциялари, жамиятимизда тинчлик, барқарорлик, тотувлик ва ҳамжиҳатликни мустаҳкамлашга хизмат қилаётган омилларга бағишланган ижтимоий сўров ўтказди.

1999 йилдан 2015 йилга қадар ўтказилган шундай ижтимоий сўровлар натижалари Ўзбекистонда ҳукм сураётган тинчлик-осойишталик ва барқарорлик, жамиятимизда қарор топган миллатлараро тотувлик мустақиллигимизнинг энг муҳим ютуқларидан бири эканидан далолат беради. Хусусан, 1999 йилда ўтказилган сўровда иштирокчиларнинг 97,1, 2013 йилдаги сўров қатнашчиларининг 98,6 ва жорий йилда ташкил қилинган сўровда иштирок этганларнинг 99,6 фоизи шундай фикр билдирган. Уларнинг таъкидлашича, Президентимиз томонидан узоқни кўзлаб юритилаётган оқилона сиёсат, давлатнинг ўз фуқароларига ғамхўрлик кўрсатаётгани, ижтимоий-сиёсий ва социал-иқтисодий соҳалардаги барқарорлик, этник ва диний бағрикенглик миллатлар ҳамда фуқаролар тотувлигининг муҳим омилларидир.

“Ўзбекистон фуқароси эканингиздан қалбингизда қандай туйғулар кечади?” деган саволга сўралганларнинг аксарияти «Фахрланиш», деб жавоб берган. Бу кўрсаткичнинг йилдан йилга ўсиб бораётгани диққатга сазовордир. Масалан, 2013 йилда сўров қатнашчиларининг 68,5 фоизи, 2010 йилда 76,8, 2015 йилда эса 89,5 фоизи шундай фикр билдирган.

Тадқиқот иштирокчилари (98,5 фоизи) фуқароларнинг Ўзбекистон Республикаси Конституциясида мустаҳкамланган ҳуқуқ ва эркинликларига риоя этилаётганини юқори баҳолайди. Шуниси эътиборлики, барча ёш гуруҳлари вакиллари Ўзбекистон фуқароси эканидан фахрланади ва ушбу кўрсаткич ўтказилган кўплаб сўровлар давомида ўзгармасдан келмоқда.

Ижтимоий тадқиқот давомида мамлакатимизда миллатлараро муносабатлар барқарорлигини таъминлашда Республика Байналмилал маданият маркази ва миллий маданият марказлари муҳим ўрин тутаётгани таъкидланди. «Ижтимоий фикр» маркази томонидан аҳоли ўртасида кўп йиллардан буён ўтказиб келинаётган сўровлар миллатлараро тотувликнинг барқарорлиги миллатлараро муносабатларнинг муҳим жиҳати эканини тасдиқлаш имконини беради. Мамлакатимизда яшаётган барча миллат ва элат вакиллари шу фикрни қўллаб-қувватлайди. 2003 йилда сўров қатнашчиларининг 80,1 фоизи, 2008 йилда 83,7, 2015 йилда эса 94,8 фоизи Ўзбекистонда миллатлараро муносабат «жуда яхши» ва «яхши» деб баҳолаган.

Сўров натижалари шундан далолат берадики, мамлакатимиз фуқаролари келажакда миллатлараро муносабатлар бундан ҳам мустаҳкамланишига ишонади. Иштирокчилар мамлакатимиздаги ижтимоий-сиёсий вазиятни барқарор, жамиятимизда тинчлик ва фуқаролар тотувлиги ҳукм сураётганини ижобий, деб баҳоламоқда.

"Мухтасар айтганда, мазкур ижтимоий тадқиқот аҳолининг 24 йиллик мустақил тараққиётимиз давомида жамиятимизда қарор топган тинчлик, барқарорлик, миллатлар ва фуқаролараро тотувликни юқори баҳолашидан далолат беради. Улар Президентимиз раҳнамолигида амалга оширилаётган оқилона ва самарали миллий сиёсат бунинг асосий кафолати, деб билади", дейилади хабарда.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар