Кипр ташқи ишлар вазири берган баёнотга кўра, мамлакат Туркиянинг Евроиттифоққа қўшилиши борасидаги музокараларнинг навбатдаги раундини блоклашда давом этади, негаки Анқара Кипрни бирлаштиришга етарлича ҳаракат қилмаяпти. Бу ҳақда Associated Press агентлиги хабар бермоқда.
Кипрнинг ЕИдаги доимий вакили Корнелиос Корнелиу маҳаллий радио эфирида Никосия ЕИнинг Туркия билан иқтисодиёт ва пул-кредит сиёсати бўйича музокара олиб боришигагина рози бўлиши мумкин.
Ўз навбатида, Германия канцлери Ангела Меркель Туркиянинг иттифоққа қўшилишини қўллаб-қувватлашини таъкидлаб ўтган эди.
Маълумот учун, Кипр Туркиядан ажралиб чиққанидан буён оролда этник бўлиниш юзага келган. Оролнинг 60 фоизини расмий Кипр, 38 фоизини қисман тан олинган Шимолий Кипр Турк Республикаси ҳукумати назорат қилиб келмоқда. “Яшил чизиқ” пойтахт Никосиядан ўтади.