Кремлда Эрон оммавий ахборот воситаларининг Саудия Арабистони томонидан Россияга Сурия президенти Башар Асадни қўллаб-қувватлашдан бош тортиши эвазига 300 млрд доллар таклиф этилгани тўғрисидаги хабарларни инкор қилди.

“Ундай эмас, бу газета “ўрдаги” (ёлғон ва тасдиқланмаган хабар), - деди Россия Федерацияси президенти матбуот котиби Дмитрий Песков ТАСС саволига жавоб берар экан.
Ўтган ҳафтада Эроннинг Ettelaat нашри аввалроқ Сочи шаҳрида Россия президенти Владимир Путин ва Саудия Арабистони Мудофаа вазири Муҳаммад бил Салмон ўртасида бўлиб ўтган учрашувга бағишланган мақола чоп этилган эди.

Унда нашр Қироллик вакили Москвага Сурия президенти Башар Асадни қўллаб-қувватлашни тўхтатган тақдирда, 300 млрд доллар ва Россия иқтисодиётига келгусида инвестициялар киритиш таклифи билан мурожаат қилгани айтиб ўтилган. Газета хабарига кўра, мазкур таклиф рад этилган.