"Барселона" жамоаси бош мураббийи Луис Энрике ЕЧЛнинг гуруҳ босқичи доирасида БАТЭга қарши ўйин олдидан журналистлар билан гаплашди.

"Биз БАТЭ ва "Байер"дан атиги бир очко олдиндамиз. Шунинг учун хотиржам бўлишга ҳаққимиз йўқ, биз бу ўйинда биринчи навбатда натижа учун ўйнаймиз.

Неймарни жамоанинг янги етакчси дейишмоқдами? Биз ҳозирда битта машина каби ҳаракатланяпмиз. Етакчимиз эса Месси. Бошқасини излашга ҳожат йўқ.

Биз қайси вақтда қандай ўйнаш кераклигини биламиз. Агар ҳимоялансак, бари бир гол ўтказиб юборишимиз мумкин. Бу ҳимоя чизиғи заифлигидан эмас, бундай эҳтимол ҳар бир жамоада мавжуд. Менимча, охирги ўйинларда бизда бундай муаммо камайтирилди.

Яқинда декабрь ҳам келади. Ҳа, жамоа таркиби бўйича муаммолар бор, ротациялар амалга оширмасдан мавсумни ўтказиб бўлмайди, лекин футболчилар мухлислар учун бор кучлари билан ҳаракат қилишади. Ҳозирги вазият бизни янада кучлироқ қилади", дейди мураббий.