АҚШнинг NASA коинот агентлиги ходимлари 2015 йилнинг 10 октябрида қайд қилинган TB145 улкан астероиди Ерга яқинлашган само жисмлари ичида энг каттаси эканини аниқлашди. Астероид Pan-STARRS телескоплар автоматик тизими ёрдамида аниқланган эди. Бу ҳақда The Daily Mirror нашри хабар берган. 

Олимларнинг таъкидлашича, астероид 31 октябрда сайёрамизга максимал даражада яқинлашади ва 500 минг км наридан учиб ўтади. Бироқ уни оддий кўз билан кўриб бўлмайди, уни фақатгина телескоп ёрдамида кўриш мумкин.

“Астероиднинг диаметри 280-620 метрни, тезлиги эса соатига 126 минг километрни ташкил қилади. Кузатувлар давомида бу само жисми ўзини жуда бетайин тутаётгани аниқланди, у бир неча бор ҳаракат йўналишини ўзгартирган”, деб айтмоқдалар олимлар.

Бироқ мутахассислар астероид Ерга жуда яқин ҳаракатлангани билан уни четлаб ўтишини таъкидлашмоқда. Бундан тўқнашувларни мониторинг қилиш Sentry автоматик тизимидан олинган таҳлиллар дарак бермоқда. Бу тизим ёрдамида астрономлар яқин 100 йил ичида астероидларнинг сайёрамизга таъсир қилиши имкониятини ҳисоблаб чиқишади.

NASA маълумотларига кўра, тизим ҳозирда таҳлил қилаётган бир неча минг само жисмидан биронтаси Ерга хавф солмаяпти.