Ўзбекистон енгил атлетика федерациясининг маълум қилишича, енгил атлетика бўйича Ўзбекистон терма жамоаси аъзоси Бобур Шокиржонов Душанбеда ўтган “Тожикистон федерация кубоги-2015” мусобақасида қатнашиб, найза улоқтириш бўйича 84,24 метр масофани қайд этиб, биринчи ўринни эгаллади. У бу билан 2016 йилда Рио де Жанейро (Бразилия)да ўтадиган олимпия ўйинларига ҳам йўлланмани нақд қилди.

Бу спортчиларимиз томонидан қўлга киритилган бешинчи йўлланмадир. Эслатиб ўтамиз, бундан олдин Светлана Радзивил, Марина Хмелевская, Сухроб Хўжаев ва Ситора Ҳамидовалар ана шундай йўлланмаларга эга бўлишган эди.