АҚШ ҲҲКга тегишли F-16 қирувчиси Афғонистонда толибонлар томонидан ўққа тутилиши натижасида шикастланди, дея хабар қилди 19 октябрь куни ABC News Пентагон маълумотига асосланган ҳолда.

Ҳодиса 13 октбрь куни Афғонистон шарқида содир бўлган. Ўққа тутилиши натижасида қирувчининг бир стабилизатори ва битта портловчи воситасига зарар етган. Хавфсизликни таъминлаш мақсадида учувчи самолёт остидаги иккита ёнилғи баки ва учта снарядни ташлаб юборишга қарор қилган.

Патруллик вазифасини бажарган қирувчи Кобул яқинидаги Баграм авиабазасига муваффақиятли қўнган. Отишма натижасида учувчи жароҳат олмаган.

Мазкур иш юзасидан тергов олиб борилмоқда. F-16 қандай қурол билан ўққа тутилгани ҳозирча номаълум. Пентагон фақатгина қирувчи паст баландликда учгани ва отишма зенит-ракета тизими орқали амалга оширилмаганини қайд этди.