Россиянинг Санкт-Петербург суди қарорига биноан ўз либосига ИШИД террористик ташкилоти рамзини тушириб юрган Тожикистон фуқароси ҳибсга олинди, дея хабар бермоқда «Фонтанка.ру».

Қайд этилишича, 27 ёшли йигит жазони ижро этишга жалб қилиб бўлинган. Суд унинг устидан федерал қонунларда намойиш этилиши тақиқланган рамзлардан фойдалангани учун беш кунлик ҳибсга олиш тўғрисида ҳукм чиқарган.
Хабарда келтирилишича, қора рангли устки кийимида ИШИД рамзидан бошқа ҳеч қандай белгилар бўлмаган.

Тожикистон фуқароси жазога тортилгунга қадар кийимининг араб тилида ёзилган сўзлар чоп этилган қисмини йиртиб олган.