Samsung компанияси Жанубий Корея ҳукуматидан роботлар ишлаб чиқарувчи фабрика қуриш учун инвестиция олди. Бу роботлар компанияда ишловчи Хитойнинг арзон ишчи кучининг ўрнини эгаллаши лозим, деб хабар бермоқда Wired нашри.

2018 йилга қадар Samsung роботларни ишлаб чиқариш учун керак бўладиган ҳаракатларни аниқ тарзда секинлаштирувчилар, моторлар, контроллёрлар ва сенсор маълумотлар интерпретаторларини ишлаб чиқаришни йўлга қўяди. Компаниянинг мақсади электроника, мисол учун, одам ҳаракатлари аниқлиги ва мувофиқлигини талаб қиладиган смартфонларни ишлаб чиқаришни роботлаштиришдан иборат. Айни пайтда ишлаб чиқаришнинг 10 фоизи роботлаштиришган, 2025 йилга қадар бу кўрсаткични 25 фоизга етказиш режалаштирилмоқда.

Samsung’нинг рақобатчиси Foxconn бу соҳадаги ишланмалар билан 2012 йилдан бери шуғулланиб келади ҳамда iPhone ва Apple’нинг бошқа маҳсулотларини ишлаб чиқаришда ишлайдиган ишчиларни йиғув роботлари билан алмаштиришни режалаштирмоқда.