“Бэтмен Суперменга қарши: адолат тонгида” фильми кино тарихидаги энг катта бюджетга эга фильм бўлади, деб маълум қилмоқда Latino Review. 2016 йилнинг баҳорида катта экранларга чиқиши кузатилаётган картинанинг бюджети 410 миллион долларни ташкил этади.

imdb.com нинг маълумотларига кўра, бугунги кунга қадар энг қиммат фильм “Кариб денгизи қароқчилари: Олам чегарасида” фильми ҳисобланиб келинар эди. Унинг бюджети 341 миллион долларни ташкил этади.

“Бэтмен Суперменга қарши” фильмида Бэтмен ролини Бен Аффлек, Супермен ролини эса Хенри Кэвилл ижро этишган. Картина режессёри Зак Снайдер. Фильм мусиқаси Junkie XL га тегишли.

Бен Аффлекнинг сўзларига кўра, унинг қаҳрамони олдинги Бэтменлардан фарқ қилади. У қариган ва вазмин. Актёр ўз қаҳрамонини “америкалик Гамлет” деб атаган.