Аргентинанинг Пуэрто-Игуасу шаҳри мэрлиги учун ўз номзодини қўйган Мануэль Альварес сайловолди кампанияси доирасида мактаб ўқувчилари билан ўтказилаётган учрашув чоғида юрак хуружидан вафот этди. Бу ҳақда La Nacion нашри хабар берган.

"Мэрликка номзод юзлаб ўқувчилар қаршисида юрак хуружи туфайли йиқилиб, жон берди", дейилади хабарда.

Альварес ўзини ёмон ҳис қила бошлагани учун тарк этган, сал ўтиб қайтган ва бу учун узр сўрашга чоғланган. Лекин у узрини етказишга улгурмаган ва оламдан ўтган.

57 ёшли сиёсатчи ерга қулагач, унга шифокорлар биринчи тез тиббий ёрдам кўрсатишган, лекин у ўзига келмаган.