Тошкент шаҳрининг Бектемир туманидаги автобус бекатида турган ака-укалар кўз очиб юмгунча ўғрилик қурбони бўлишди, деб хабар беради “Огоҳ” газетаси.
Айтилишича, Бектемир тумани ҳудудида “фаолият” юритиб келган 7 ўсмирдан иборат жиноий гуруҳ уларга “қизиқиб қолиб”, қуршовга олган. Сўнг озгина қўрқитиб, йигитларнинг қўлидаги 700 доллар ва 700 минг сўмни тортиб олишган.

Безорилар чангалидан қутулиб қолган йигитлар тегишли идораларга арз қилишди. Бунинг натижасида йўлтўсарлар тез орада қўлга олиниб, пул эгасига қайтарилди.