Германиялик собиқ футболчи Франц Беккенбауэр ҳам ФИФА тизимидаги порахўрлик можаросига аралашганликда гумон қилинмоқда. Бу ҳақда Bild нашрида ёзиб чиқилди.

ФИФА ахлоқ қўмитаси 21 октябрь куни "қора рўйхат"ни эълон қилиши кутилмоқда.

Эслатиб ўтамиз, ўтган ҳафтада Spiegel нашри 2000 йилда Adidas раҳбари сифатида ишлаган Роберт Луис-Дрейфус томонидан Германия ташкилий қўмитасига 10,3 млн швейцар франки (ўша вақтдаги курс бўйича 7,6 млн доллар) миқдоридаги маблани ўтказиб бергани ҳақида ёзиб чиққанди.

Айнан шу маблағлар ФИФАнинг ижроий қўмитаси аъзолари бўлган 4 нафар шахс ўртасида тақсимлангани айтилмоқда.

Бу иш бўйича Франц Беккенбауэр ҳамда Германия футбол федерациясининг амалдаги президенти Вольфганг Нирсбах ҳам жавобгарликка тортилиши мумкин.

Франц Беккенбауэр ўзининг порахўрлик ишига аралашгани бўйича гумонларни рад этмоқда.