АҚШ президентлигига номзод, миллиардер Дональд Трамп халқаро савдо марказига террорчилик ҳужуми уюштирилиши мумкинлигидан бир йил олдин огоҳлантирганди, деб эслатади Buzzfeed портали.

“Ишончим комилки, биз террорчилик ҳужуми хавфи олдида турибмиз. Унинг оқибатида халқаро савдо марказининг бомбага тутилиши болалар фейерверкига ўхшаб қолади”, - деб ёзган эди у 2000 йили чоп этилган “Биз муносиб бўлган Америка” китобида.

Трампнинг таъкидлашича, ҳеч бир таҳлилчи бундай имкониятни инкор қилмаган, кўплар эса ҳатто унинг бўлишини кута бошлаган.
Шунингдек, Трамп Усома бин Ладенни тилга олгани, жумладан, “аниқ манзили йўқ Усома бин Ладен исмли қора шахсни бир куни давлатнинг биринчи рақамли душмани деб эълон қилишлари” ва “АҚШ қирувчилари Афғонистонга йўл олиши”ни айтгани хабар қилинмоқда.