20 октябрь куни Ҳиндистон шимолидаги Жамму ва Кашмир штатидаги Барамулла округида жангарилар билан ҳарбийлар ўртасида отишма содир этилди ва 3 нафар ҳарбий жароҳатланди. Бу ҳақда маҳаллий полиция хабар берган.

"Хавфсизлик хизматлари ходимлари Бонгам қишлоғини ўраб олишган. Бу ҳудудда жангарилар гуруҳи жойлашгани ҳақида маълумот олинган", дейилади хабарда.

Маълум қилинишича, бу ҳудудга полиция етиб келиши биланоқ жангарилар ўт очишни бошлашган. Отишма вақтида жангарилардан бири ўлдирилган.

Бундан олдин ҳиндистонлик аскар тушунарсиз сабабга кўра, тинч аҳоли вакилларидан 4 нафарини отиб ташлагани ва кейин ўз жонига қасд қилгани ҳақида хабар берилганди.

Қайд этиш керакки, мамлакат шимолда жангарилар фаол ҳаракат қиладиган Покистон билан чегарадош ҳисобланади.