Канадада ҳукумат ўзгаргани туфайли мамлакат қуролли кучлари Сурия ҳудудидаги ИШИД жангариларига қарши ҳарбий ҳаракатлардаги иштирокини тўхтатади.

Ҳокимият тепасига келишидан олдинроқ либераллар етакчиси Жастин Трюдо шундай нияти ҳақида айтганди.

У ҳукумат раҳбари сифатида ўтказган илк матбуот анжуманида бу мавзунинг барча жиҳатлари АҚШ президенти Барак Обама билан муҳокама ўтказиш жараёнида ҳал қилиб олинишини билдирган.

Трюдо ҳарбийлар айнан қачон ортга қайтарилиши бошланишига аниқлик киритмаган.