Ички ишлар вазирлиги матбуот хизматининг маълум қилишича, наманганлик Маҳмуд исмли шахсга тегишли “ВАЗ-2107” русумли машинаси қанчалик тез ўғирлаб кетилган бўлса, худди шундай топилиб, эгасига қайтариб берилган.

Айтилишича, Маҳмуд бир куни уйда ҳужжатларни унутиб қолдириб, уйга эртароқ қайтиб келган. Ўз уйининг дарвозаси олдига машинани қўйиб, ичкарига кириб кетган. 10 дақиқа ичида ҳужжатларини олиб чиққунига қадар машина ғойиб бўлган.

Унинг мурожаати асосида ўтказилган тезкор тадбир давомида машина тезда топилиб, эгасига қайтарилган. Бу жиноятни илгаридан машина олиб қочиш билан шуғулланиб келган ва бунинг учун турмада ўтириб чиққан 36 ёшли Аҳмад исмли рецидивист содир этгани аниқланди.