Шифокорлар Рим папаси Франциск миясида унча катта бўлмаган ҳажмдаги саратон ўсмаси мавжудлигини аниқлади. Саратоннинг бундай шаклини жарроҳлик аралашувчиси ҳам даволаш мумкин, дея ёзмоқда Италиянинг Quotidiano нашри.

Хабарларга кўра, бундан бир неча ойлар муқаддам Рим папаси бош мия саратон ўсмаларини даволаш бўйича таниқли япон профессори – Таканори Фукусима текширувидан ўтиш учун Тоскандаги шифохонага келган. Текширув олиб борган клиника ҳамшираларининг айтишича, улар ҳужжатларга ёзилган бемор исмини ўқиб ишонишмаган.

Ўз навбатида, Ватикан Рим папасининг касаллиги тўғрисидаги хабарларни инкор қилди. Папа матбуот котиби Федерико Ломбардининг айтишича, бу асосланмаган ахборот бўлиб, Рим папаси айни пайтда ўзини жуда ажойиб ҳис этиб, фаолиятини жадал тарзда давом эттирмоқда.