2015 йилнинг 9 ойи якунларига кўра, Ўзбекистон аҳолисининг реал умумий ички даромади 11,6 фоизга ошди. Бу ҳақда Ўзбекистон Республикаси Давлат статистика қўмитаси ахборот хизмати хабар қилди.

Давлат статистика қўмитаси маълумотларига кўра, 2014 йилнинг шу даврига нисбатан асосий ижтимоий кўрсаткичларнинг ижобий ўсиш суръатлари кузатилди. Жумладан, ҳисобот даврида банд аҳоли сони – 1,9 фоизга, ўртача номинал ҳисобланган иш ҳақи – 17,1 фоизга, ўртача пенсия миқдори – 20,7 фоизга, аҳолининг реал умумий ички даромадлари – 11,6 фоизга ўсди.

2015 йил январь-сентябрь якунлари бўйича бошқа макроиқтисодий кўрсаткичларнинг ўсиш суръатлари қуйидагиларни ташкил қилди: саноат маҳсулоти ишлаб чиқариш ҳажми – 107,3 фоиз, қишлоқ хўжалиги маҳсулоти – 106,6 фоиз, асосий капиталга инвестициялар – 109,9 фоиз, қурилиш ишлари – 118,7 фоиз, чакана товар айланмаси – 115,0 фоиз, бозор хизматлари – 112,9 фоиз.