Ўзбекистон енгил саноат корхоналари 2019 йил охирига қадар 2015-2019 йилларда текстиль ва енгил саноатни ривожлантириш дастури доирасида умумий қиймати 1 млрд доллардан ошадиган инвестицион лойиҳаларнинг 80 фоизини ўзлаштиришни режалаштирмоқда.

Уларнинг реализацияси пахта толасининг мамлакат ичида қайта ишланишини ишлаб чиқаришнинг умумий ҳажмига нисбатан 70 фоизга кўтариш ҳамда текстиль саноати экспорт салоҳиятини 1.8 баробарга оширишга ёрдам беради.

Энг йирик лойиҳалар қаторида LT Textile Cooperaties U.A компанияси томонидан Қашқадарё вилоятининг Қарши туманида йиллик қуввати 22 минг тонна аралаш йигирув ва 5 млн м матодан иборат текстиль ишлаб чиқаришининг ташкил қилиниши, Сингапурга тегишли “Индорама Қўқон текстиль” хорижий корхонасида қуввати 12 минг тонна бўлган компакт пахта йигириш ишлаб чиқаришининг тўртинчи навбатини яратиш, “Бостанлик Пластекс” МЧЖ қошида йиллик қуввати 9 минг тонна пахта йигириш маҳсулотлари ишлаб чиқаришга етадиган текстиль ишлаб чиқаришининг ташқил қилиниши, “Ҳазарасп текстиль” МЧЖ ишлаб чиқаришининг кенгайтирилиши, Андижон вилоятида Nanyang M&F textile Co Ltd компанияси билан ҳамкорликда Андижон вилоятининг “Бобур” АЖда йигирув ва мато ишлаб чиқарилишининг ташкил қилинишини айтиш мумкин.