Бокс бўйича Ўзбекистон ўсмирлар терма жамоаси Туркиянинг Истанбул шаҳрида бўлиб ўтадиган "Ahmet COMERT" халқаро турнирида иштирок этади.

Мазкур нуфузли турнирда Ўзбекистон шарафини -49 кг. вазн тоифасида ўтказилган ёшлар ўртасида Ўзбекистон чемпиони Отабек Холматов, ўсмирлар ўртасида Осиё чемпионати кумуш медал соҳиби Ойбек Жўраев , "Youth National Cup" турнири ғолиби Шунқор Абдурасулов, кичик Гейдар Алиев турнири кумуш медали соҳиби Беҳруз Раҳмонов , ўсмирлар ўртасида мамлакат чемпиони Санжар Турсунов ва мамлакат чемпионати совриндорлари Зиёдбек Ўролов , Улуғбек Собиров , Шоҳруҳбек Рустамов билан бирга жамоанинг тажрибали боксчилари Обиджон Тоҳиров ҳамда Элдор Мержанов ҳимоя қилишади.

Шунингдек, ушбу мусобақада Қозоғистондан 9 нафар, Эрон ва Кореядан 8, Иордания 4, Туркманистон 3, Афғонистондан 1 нафар боксчи ғолиблик учун кураш олиб боришади.