Самарқанд шаҳрининг кўпгина маҳаллаларида 3 кундан буён табиий газ таъминоти тўлалигича узилиб қолган. Бу ҳақда самарқандлик журналист Тошпўлат Раҳматуллаев маълумот берди.

Айтилишича, шаҳар газ таъминоти корхонасига тинимсиз равишда мижозлар келиб, газ талаб қилмоқда. Лекин газ узатилаётган хонадонларда ҳам у жуда паст босим остида келмоқда.
Таъкидланишича, ёз ойларида ҳам кўпгина маҳаллаларда табиий газ йўқ эди. Илгари қиш мавсумида газ таъминотида узилишлар ва муаммолар кузатиларди, энди эса озгина ёмғир ёғишининг ёзи таъминотнинг узилишига олиб келди. Шаҳарликлар бундан кейин нима бўлишини билмай хавотирда.

Шаҳар газ таъминоти корхонаси вакилларининг таъкидлашича, об-ҳаво шароитининг ёмонлашуви муаммоларни келтириб чиқармоқда. Шаҳарга олдинги миқдорда газ берилмоқда, аммо сарф кўпайгани боис босим тушиб кетган. Таъкидланишича, “Ўзтрансгаз”га хат юборилиб, шаҳар ва вилоятга узатилаётган газ миқдорини ошириш сўралган. Вилоят миқёсида қаралса, кўпгина қишлоқ туманларига табиий газ қишин-ёзин узатилмаяпти.

“Фуқароларнинг муносиб яшаш ҳуқуқи Ўзбекистон Республикаси Конституцияси билан мустаҳкамланган: инсон ва унинг қадр-қиммати олий қадрият ҳисобланади. Бу ҳақда ва юқорида тилга олинган ҳужжат ҳақида “Ўзтрансгаз” АЖ ва унинг маҳаллий бўлинмалари биладими?”, - деб мақоласини якунлайди журналист.