Америкалик астрономлар йирик сайёраларнинг оқ карлик юлдуз атрофидаги “ўлим спирали” домига тушиб, барбод бўлаётганини суратга олишди. Бу ҳақда Nature журнали маълум қилди.

“Бизнинг кўз ўнгимизда бирорта ҳам инсон боласи кўрмаган манзара – қуёш тизими қандай қилиб бузилиши намоён бўлди”, - деди етакчи муаллиф Эндрю Вандерберг.
Дастлабки маълумотларни олимларга Kepler телескопи тақдим этди. Ўз юлдузи (оқ карлик)дан тахминан 830 минг километр масофадаги йирик объект ҳар 4,5 соатда мунтазам равишда ёруғлик манбаи томон яқинлашиб, парчаланаётгани аниқланди.

Юлдузнинг ўзи эса Ердан 570 ёруғлик йили масофада жойлашган.Бошқа телескоплардан олинган қўшимча маълумотлар олимларга яқин орбитада учаётган бошқа парчалар қолдиқларини топишга имкон берди.Олимлар тахминига кўра, планеталардан бирининг орбитасида беқарорлик вужудга келиб, ўз юлдузи томонга яқинлашган ва парчаланишни бошлаган.

Унинг парчалари оқ карлик ҳарорати таъсирида парланиб кетиб, гравитация кучини йўқотган ва майда бўлакларга бўлиниб кетган. Орадан бор-йўғи бир миллион йил ўтиб қаттиқ қисмлардан оқ карлик сиртида кўзга мутлақо ташланмайдиган юпқа металл қатламгина қолади, деб ёзади астрономлар.