Чилонзорда 7 ўсмирдан иборат жиноий гуруҳ 6.5 млн сўмлик тақинчоқларни ўғирлаб кетди. Бу ҳақда “Огоҳ” газетаси ёзмоқда.
Ёш бўлишига қарамай, қамалиб чиқишга улгурган 1996 йилда туғилган Владимир исмли йигитча ўз тенгдошларидан 6 нафарини атрофига тўплаб, ўзига хос жиноий гуруҳ ташкил этган. Улар талончилик билан шуғулланиб келишган.

Бир куни улар умумий танишлари Дилмуроднинг уйда ёлғиз қолганлигини билиб қолиб, унинг уйига бостириб борганлар. Тенгдошларининг оғзини скотчлаб қўйиб, уйдан 2 млн сўмлик колье, 2 млн сўмлик 4 дона узук, 1.5 млн сўмлик зирак, 1 млн сўмлик тилла занжирни ўғирлаб қочиб кетишган.
Болалар Дилмуродни қўрқитиб, ҳеч кимга уларни “сотмаслик”ни уқтирган бўлсалар ҳам, жиноят тез орада милиция хатти-ҳаракатлари туфайли фош этилди.