Жорий йилнинг 21-31 октябр кунлари Қатарнинг Доха шаҳрида бўлиб ўтаётган енгил атлетика бўйича Жаҳон Чемпионатида паралимпия спортчиларимиз илк ғалабани қўлга киритдилар. Бугун мусобақанинг биринчи куни ҳамюртимиз Чеваров Бекжон узунликка сакрашда 6,65 м натижа билан бронза медалига сазовор бўлди ва янги Осиё рекордини ўрнатди. Бекжондан ташқари бугун яна 3-та спортчимиз беллашадилар: ядро улоқтиришда Хайдаров Мавлон, 1 500м югуришда Муродуллаев Маъруфжон ва 100м югуришда Абдирашидов Мансурлар.

Эслатиб ўтамиз ушбу нуфузли мусобақада 2016 йил Рио-де-Жанейрода  бўлиб ўтадиган ёзги XV Паралимпия ўйинларига тўғридан-тўғри йўлланмалар берилади.