Сурия президенти Башар Асаднинг Москвага ташрифи ва Россия етакчилари билан учрашуви унинг ўзига ишончи баландлигидан, яъни ўз позицияларининг мустаҳкамлигига ишонаётганлигидан далолат беради.

Бу ҳақда Вудро Вильсон номидаги Вашингтон илмий-тадқиқот маркази президенти ўринбосари Аарон Дэвид Миллер айтиб ўтди. “Уч ҳафта муқаддам Россия Сурияда ўз ҳарбий операциясини бошлаганидан буён у Яқин Шарққа кучли таъсир ўтказишига ишонмоқда ва шунга ҳаракат қилмоқда”, - деб ёзди эксперт The Wall Street Journal нашрига мўлжалланган мақоласида.

Унинг фикрича, Россияда АҚШда йўқ уч нарса бор: Эрон, Ироқ каби иттифоқчилар, Асадга бевосита таъсир ўтказиш имконияти ҳамда аниқ бажарилаётган вазифалар, яъни Сурия президентини қўллаб-қувватлаш ва ИШИДга қарши кураш.