Грэм Полл: Моуриньо хотираларда ғолиб сифатида эмас, жанжалкаш киши сифатида қолиши мумкин

Спорт 22 Октябрь 2015 1554

Англиялик собиқ рефери Грэм Полл Лондоннинг «Челси» клуби бош мураббийи Жозе Моуриньо томонидан премьер-лига ҳакамларининг бўш ва тажрибасиз дея айтилган фикрга ўз муносабатини билдириб ўтди.

«Моуриньо ҳакамларнинг қарорларига бу каби муносабатда бўлиши орқали ҳеч нарсага эриша олмаслиги аниқ. Рефери ҳеч қачон «Челси» фойдасига кўпроқ жарима зарбаси ёки пенальти белгиламайди. Ҳакамлар мураббий ёки футболчилар билан боғлиқ ҳар қандай тарихга қарамасдан ўйинга ҳар доим холис муносабатда бўлишни мўлжаллаб чиқади».

«Моуриньо бу фикри билан нимага эришмоқчи бўлди? Агар унинг фикрлари Англия футбол Ассоциациясга қаратилган бўлса, у бу борада ютқазди. Агар у Венгерга бўлган нафратини шу йўл билан изҳор қилмоқчи бўлган бўлса, бундаям муваффақиятсизликка учради. Бундай вазиятларда Моуриньо каби одамлар фойдасиз кампанияларни олға сурмоқчи бўлишади».

«Моуриньога ўзининг буйруқларига мойиллик билдирадиган, жамоани дўст сифатида қабул қиладиган ҳакамларни яхши кўради. 2006 йилда «Челси» «Ливерпуль»га Англия кубоги яримфиналида имкониятни бой бергач, Моуриньо мени бундан буёғига дўстлари қаторига қўшмаслигини айтиб кетганди».

«Аммо ҳакамлар ҳеч қачон бирор жамоа фойдасига, ёки унинг зарарига атайлаб қарор чиқармайди. Яхшиямки, Моуриньо учун унинг болаларча ҳаракатларидан юқори турувчи характерга эга кучли ва тажрибали ҳакамлар етарлича».

«Ҳар қандай вазиятда ҳам Англия футбол Ассоциацияси Моуриньонинг гапларини ҳисобга олиши ва уни шартли равишда дисквалификация қилади. Бу унинг обрўсига ҳам путур етказади. Шундай муваффақиятларга эришган мураббий хотираларда ғолиб сифатида эмас, жанжалкаш киши сифатида қолиши мумкин. Бу эса карикатурабоп воқеилик бўлади», – дея таъкидлаб ўтади Полл.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29355 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42165 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158263 Жамият
Кун.uz офис изламоқда
15:48 / 06.08.2017 44894 Lifestyle
Коалиция бомбалари остида 80 нафар суриялик ҳалок бўлди
00:27 0 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 12 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 480 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 23 Спорт
Эрдўған Ғарбнинг Яқин Шарқдаги сиёсатини танқид остига олди
00:02 299 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 189 Жамият
Кўпроқ янгиликлар