“Юлдузлар жанги” фильмининг янги эпизоди эфирга чиқиши муносабати билан империянинг ҳужумчилар армияси Буюк Хитой деворида саф тортди, дея хабар қилди The Guardian нашри.

500 аскар ҳайкалчасидан иборат империя армияси девордаги миноралардан бирининг зиналарига жойлаштирилди. Бу ерга келган мухлисларга қизил ва кўк қиличлар тақдим этилиб, умумий селфи тушиш таклиф қилинди.
Қайд этилишича, “Юлдузлар жанги”нинг еттинчи қисми – “Кучларнинг уйғониши” картинасига бағишланган учинчи трейлер душанба, 19 октябрда намойиш қилинди.

Фильм намойиши эса 2015 йил 18 декабрь куни бўлиб ўтади. Олдиндан сотилган чипталар сони бўйича АҚШ ва Европада рекорд натижа қайд этилди.
“Юлдузлар жанги”нинг навбатдаги қисмини суратга олиш ишлари 2012 йилнинг 30 октябрь куни бошланган бўлиб, Lucasfilm ҳамда Walt Disney ҳамкорликда фаолият олиб бормоқда.