Хитой Британия тижорий сирларини ўғирлаш ва инсон ҳуқуқлари билан шуғулланиш учун кибер жосусликдан фойдаланмасликка ваъда берди, дея ёзмоқда The Guardian.
Британия бош вазири Дэвид Кэмерон кибержосусликдан воз кечиш тўғрисидаги келишув Хитой ва Британия ўртасида янада яқин алоқаларнинг ўрнатилиши учун биринчи қадам бўлди, дея маълум қилди.

Унинг таъкидлашича, мамлакатлар хавфсизлик масалаларида ҳамкорлик қилиб, дўсти ҳақидаги махфий маълумотлар ёки интеллектуал мулкларни тўплашга киришмайди.
Хабарларга кўра, сўнгги вақтларда Британия ҳукумат алоқа маркази британ компанияларига уюштирилаётган киберҳужумлар хавотирли даражага етганини қайд этган. Марказ ходимларининг фикрича, ҳужумлар Россия ва Хитойдан туриб уюштирилмоқда.

Эслатиб ўтамиз, 19 октябрдан буён ХХР раиси Си Цзиньпиннинг Британиядаги расмий ташрифи давом этмоқда. Ташриф жараёнида британ ва хитой тадбиркорлари ўртасида умумий миқдори 62 миллиард доллардан иборат 150дан зиёд шартномалар имзоланади. Хитой етакчиси ва унинг турмуш ўртоғи Пэн Лиюань 23 октябрга қадар Букингем саройида истиқомат қилишади.